Articles Comments Dictionary Main Messages News Opinions
ذكرى
6 أكتوبر 2008
مهداة من أمل فتحي لأبطال حرب أكتوبر
زى النهارده يا بطل وإحنا ال ليلنا طال .... جىّ فى أوان جرحنا والشدة لها رجال
صوتك جميل رنته تنقش على الاحجار .... ترسم بداية زمن بالبهجة والافراح
قلبك يساعى النيل فجرك نهاية ليل .... حلمك وطن نبنيه ونلاقي لينا مكـــــــان
ياكلمة الحق ياروحنا وملامحنا .... فسرنا بيك حلمنا وعرفنا مين إحنــــــــــــا
ومشينا ومسيرنا هنعدى بتاريخنا .... وف يوم تطول شمسنا بتنور بصايرنــا
تنام عيونا البسيطة وانت عينيك ما تنام .... سهران تداوى جروحنا وتطيب الالآم
وشايفها سهلة وبسيطة لو الشعوب ما تخاف .... تقدر تقابل نهارها تسابق الايـام
وتهون وترخص حياتنا وتكبر الاوطان
ولو دار الزمان أو مال .... ما تدل على البشر أحــــــــوال
ولا كل من ركب الحصان .... يبقى يا بشر خيـــــــــــــال